Араб тили грамматикасини ўрганувчилар учун мобил дастур ишлаб чиқилди

Андроид тизимли қурилмаларга мосланган «Таҳлил» араб тилини ўрганувчилар учун амалий дастури ишлаб чиқилди. Лойиҳа араб тили грамматикасини ўрганувчи ёшлар, ўқувчилар, талабаларга мўлжалланган. Дастурдан фойдаланишдан олдин ёки фойдаланиш даврида араб тили грамматикасига оид китоб ўқиш тавсия этилади.

Дастур «Араб тили дарслиги ва таркиб қоидалари» (Мабдуъул қироат) ва «Мабдаъун наҳв» китоблари асосида тузилган. Дастур грамматик таҳлил, эъроблаш ҳамда амалиёт бўлимларини ўз ичига олади. У оффлайн тарзда ишлайди, яъни фойдаланиш учун интернет шарт эмас.

Мазкур дастурнинг асосий имкониятлари:

— Классик араб тилида грамматик таҳлил қилиш

— Жавобларни вариант усулида бериш

— Нотўғри жавоб белгиланган тақдирда, тўғри жавобни автоматик кўрсатиш

— Таҳлил бўлимида ҳар бир дарснинг охирида қайси қоидаларда хато қилингани ҳақида маълумот бериш

— Ўрганувчини дарсни ўзлаштиришига қараб ҳар бир дарснинг сўнгида «Аъло» «Яхши» «Қониқарли» «Қониқарсиз» тарзда баҳолаш

— Ўрганувчи «Қониқарсиз» баҳо олганда унга кейинги дарсга ўтиш имконини бермаслик.

— Эъроблар билан ишлаш имконияти

— Дарсларни ўзлаштириш жараёнини фоизларда ҳисоблаш

— Фақатгина маълум бир қоидани мисоллар билан ишлаш

Дастур қуйидаги бўлимлардан иборат:

Таҳлил — Бу бўлимда ўқувчи грамматик таҳлиллар билан ишлайди. Ушбу бўлимнинг афзаллиги шундаки, ўрганувчи берилган гапларни классик араб тилида таҳлил қилиш имкониятига эга. Белгиланган жавоб нотўғри бўлса, автоматик тарзда тўғри жавоб ва унинг таҳлили келтирилади. Ҳар бир дарснинг сўнгида дарс неча фоизга ўзлаштирилгани ва қайси қоидаларда хато қилингани ҳақида маълумот берилади. Бу эса фойдаланувчига қулайлик яратади. Бу бўлим 52 дарсдан иборат.

Эъроблаш — Араб тилини ўрганишда сўзнинг охирги ҳаракатини қўйиш жуда муҳим ҳисобланади. Шуни ҳисобга олган ҳолда, иккинчи бўлимда бундай имконият тақдим этилди. Бу бўлим ҳам 52 дарсдан иборат бўлиб, билимларни мустаҳкамлашга ёрдам беради.

Амалиёт — Бу бўлимда ҳар бир грамматик қоидага тегишли жами 800 дан ортиқ мисоллар берилган. Ушбу бўлимда ўқувчи қайси қоидани тушунишда муаммога дуч келаётган бўлса, шу қоида бўйича ўз устида ишлаш имкониятига эга бўлади. Бунда, ўрганувчи, гапдаги жорий қоидага тегишли сўзни топиб белгилаши керак.

Қисқача тавсиф:

Дастур номи: Таҳлил

Ҳажми: 3.45 Мб

Жорий версия:1.0

Гувоҳномa: Интеллектуал мулк агентлиги № ДГУ 04053

Талаб этиладиган Андроид версияси:4 ёки ундан кейингилари

Ишлаб чиқувчи:Темурбек Адҳамжонов

Электрон почта: 94temurbek@gmail.com

Фаоллаштириш нархи: 10000 (ўн минг) сўм

Play market’дан юклаб олиш:

https://play.google.com/store/apps/details?id=abutech.tahlil

 

Arab tili grammatikasini o‘rganuvchilar uchun mobil dastur ishlab chiqildi

 

Android tizimli qurilmalarga moslangan «Tahlil» arab tilini o‘rganuvchilar uchun amaliy dasturi ishlab chiqildi. Loyiha arab tili grammatikasini o‘rganuvchi yoshlar, o‘quvchilar, talabalarga mo‘ljallangan. Dasturdan foydalanishdan oldin yoki foydalanish davrida arab tili grammatikasiga oid kitob o‘qish tavsiya etiladi.

Dastur «Arab tili darsligi va tarkib qoidalari» (Mabdu’ul qiroat) va «Mabda’un nahv» kitoblari asosida tuzilgan. Dastur grammatik tahlil, e’roblash hamda amaliyot bo‘limlarini o‘z ichiga oladi. U offlayn tarzda ishlaydi, ya’ni foydalanish uchun internet shart emas.

Mazkur dasturning asosiy imkoniyatlari:

— Klassik arab tilida grammatik tahlil qilish

— Javoblarni variant usulida berish

— Noto‘g‘ri javob belgilangan taqdirda, to‘g‘ri javobni avtomatik ko‘rsatish

— Tahlil bo‘limida har bir darsning oxirida qaysi qoidalarda xato qilingani haqida ma’lumot berish

— O‘rganuvchini darsni o‘zlashtirishiga qarab har bir darsning so‘ngida «A’lo» «Yaxshi» «Qoniqarli» «Qoniqarsiz» tarzda baholash

— O‘rganuvchi «Qoniqarsiz» baho olganda unga keyingi darsga o‘tish imkonini bermaslik.

— E’roblar bilan ishlash imkoniyati

— Darslarni o‘zlashtirish jarayonini foizlarda hisoblash

— Faqatgina ma’lum bir qoidani misollar bilan ishlash

Dastur quyidagi bo‘limlardan iborat:

Tahlil — Bu bo‘limda o‘quvchi grammatik tahlillar bilan ishlaydi. Ushbu bo‘limning afzalligi shundaki, o‘rganuvchi berilgan gaplarni klassik arab tilida tahlil qilish imkoniyatiga ega. Belgilangan javob noto‘g‘ri bo‘lsa, avtomatik tarzda to‘g‘ri javob va uning tahlili keltiriladi. Har bir darsning so‘ngida dars necha foizga o‘zlashtirilgani va qaysi qoidalarda xato qilingani haqida ma’lumot beriladi. Bu esa foydalanuvchiga qulaylik yaratadi. Bu bo‘lim 52 darsdan iborat.

E’roblash — Arab tilini o‘rganishda so‘zning oxirgi harakatini qo‘yish juda muhim hisoblanadi. Shuni hisobga olgan holda, ikkinchi bo‘limda bunday imkoniyat taqdim etildi. Bu bo‘lim ham 52 darsdan iborat bo‘lib, bilimlarni mustahkamlashga yordam beradi.

Amaliyot — Bu bo‘limda har bir grammatik qoidaga tegishli jami 800 dan ortiq misollar berilgan. Ushbu bo‘limda o‘quvchi qaysi qoidani tushunishda muammoga duch kelayotgan bo‘lsa, shu qoida bo‘yicha o‘z ustida ishlash imkoniyatiga ega bo‘ladi. Bunda, o‘rganuvchi, gapdagi joriy qoidaga tegishli so‘zni topib belgilashi kerak.

Qisqacha tavsif:

Dastur nomi: Tahlil

Hajmi: 3.45 Mb

Joriy versiya:1.0

Guvohnoma: Intellektual mulk agentligi № DGU 04053

Talab etiladigan Android versiyasi:4 yoki undan keyingilari

Ishlab chiquvchi:Temurbek Adhamjonov

Elektron pochta: 94temurbek@gmail.com

Faollashtirish narxi: 10000 (o‘n ming) so‘m

Play market’dan yuklab olish:

https://play.google.com/store/apps/details?id=abutech.tahlil